Пенни

Пенни, сорох ардыгар пенс (ааҥл. , фр.  уонна скотс. penny , pence (элбэх ахсааҥҥа харчы сууммата) уонна pennies (аҕыйах манньыат); ирл. pingin; гэльск. peighinn; фин. уонна эст. penni) — араас кэмнэргэ Британия империятыгар киирэ сылдьыбыт үгүс дойдулар бытархай харчылара, ону кытары Финляндия уонна Эстония харчыта. Балартан Британия пеннита ордук биллэр.

АХШ харчыта — биир цент, кэпсэтэргэ «пенни» дииллэр, 2005 сыл

1930 сыллаах сэдэх уонна сыаналаах Австралия пеннитын үкчү киэбэ

10 пенни, 1990 сыл, Финляндия

«Пенни» ниэмэс пфеннигын, скандинавскай пеннингы, польскай фенигы уонна Босния уонна Герцеговина пенязын, фенингын кытары биир төрдүлээхтэр.

Пенни сорох көрүҥнэрэ

• Британскай пенни — ааҥл, хойут Британия манньыата. 1971 сыл олунньутугар дылы шиллинг ¹⁄₁₂ тэҥнэһэрэ эбэтэр фунт стерлинг ¹⁄₂₄₀, 1971 сылтан билиҥҥи кэмҥэ дылы фунт стерлинг ¹⁄₁₀₀ тэҥнэһэр.
• Шотландскай пенни (peighinn) — орто үйэлэргэ, Англия уонна Франция холобурдарынан, шотландскай шиллинг ¹⁄₁₂ эбэтэр фунт ¹⁄₂₄₀ тэҥнэһэрэ. Англия уонна Шотландия униятын кэнниттэн (1707 сыл) 12 шотландскай фунт 1 английскай фунтка тэҥнэммитэ, онон ааҥл пеннита шотландскай шиллиҥҥэ сөп түбэспитэ (sgillinn).
• Ирландскай пенни — евроҕа көһүү иннинэ ирландскай фунт ¹⁄₁₀₀ тэҥнэһэрэ (1928—70 сс. ирландскай шиллинг ¹⁄₁₂ = фунт ¹⁄₂₄₀).
• Финляндскай пенни — евро киириэн иннинэ Финляндия бытархай манньыата, финскай марка ¹⁄₁₀₀ тэҥнэһэр.
• Эстонскай пенни — 1918—28 сс. Эстония бытархай харчыта, эстонскай марка ¹⁄₁₀₀ тэҥнэһэр.

Итилэртэн ураты, «пенни» — ааҥл тылынан саҥарар дойдуларга (АХШ уонна Канада) бытархай харчылары (цент) ааттыыллар.

Пенни бэлиэтэ

Пенни уонна пфенниг рим денарийын үтүгүннэрэн оҥоруллубуттар. Онон бу валюталар бэлиэлэринэн хара бастааҥҥыттан латыынныы denarius диэн тыл бастакы бичигэ буолбута.

Англияҕа уонна ааҥл тылынан саҥарар дойдуларга — d; Германияҕа — ниэмэс готика курсивынан —₰.

1971 сыл кэнниттэн (Улуу Британияҕа харчыны ааҕыыга уоннаах система киирбитинэн) пенни p бичигинэн бэлиэтэнэр, немец пфеннигын бэлиэтэ XX үйэ ортолоруттан үксүн туттуллубат.

• 
  Пфенниг бэлиэтэ
• 
  Британия марката,
  6 пенс сыаналаах

Өссө маны көр

• Валюта
• Валюта бэлиэтэ

Сигэлэр

• Нумизматический словарь / [Автор: Зварич В.В.]. — 4-е изд.. — Львов: Высшая школа, 1980.
• Грамота.ру. Справочно-информационный портал. — Электронное издание. — Грамота.ру, 2000—12.