Пепеляев Виктор Николаевич

Пепеляев Виктор Николаевич — (1885, тохсунньу 8 —1920, олунньу 7) областник, Государственнай Дума дьокутаата, Колчак бырабыыталыстыбатыгар Миниистирдэр Сэбиэттэрин Бэрэстээтэлэ. Үрүҥ генерала Анатолий Пепеляев бииргэ төрөөбүтэ.

Виктор Николаевич Пепеляев 1885 сыллаахха тохсунньу 8 күнүгэр (урукку истиилинэн 1884 сыл ахсынньы 27 күнүгэр) Томскай губерния Нарыымыгар дворянин, генерал-лейтенант уонна атыыһыт кыыһын дьиэ кэргэнигэр төрөөбүт.

Гимназияҕа үлэлиир сылларыгар үөрэнээччилэр таптыыр учууталлара эбит. Ол саҕана нуучча уонна Сибиир устуоруйатынан үлүһүйэр эбит.

1912 сыллаахха бастаан выборщигынан онтон алтынньы 20 күнүгэр Томскай губернияттан кадеттар партияларыттан Госдума дьокутаатынан талыллыбыт. Бастакы Учредительнэй сийиэскэ сибиир тас урдустарыгар (инородцы) ол иһигэр сахаларга төрөөбүт тылларынан үөрэтэр босхо начаалынай оскуола арыйар туһунан тыл эппит. Бу кэннэ нуучча националистара кинини абааһы көрөр буолбуттар.