Семенов Иннокентий Федотович

Семенов Иннокентий Федотович (1929.02.27) - драматург, прозаик. РСФСР култууратын үтүөлээх үлэһитэ. 1982 сылтан ССРС СС (Суруйааччылар Союзтарын) чилиэнэ.

Сунтаар улууһун Кириэстээҕэр төрөөбүтэ. Уон сыллаах оскуоланы бүтэрэн баран икки сыллаах Дьокуускайдааҕы юридическай оскуолаҕа үөрэнэ киирэр. Булуҥҥа уонна Намҥа прокуратураҕа, Нам улуус сүбэтин култуура салаатын инспекторынан, "Эдэр коммунист" хаһыат литүлэһитинэн үлэлээбитэ.

Бүтүн Холбоһук юридическай кэтэх үнстүтүүтүн бүтэрэн баран хас да сыл устата Саха АССР Үрдүк Сүбэтин Президиумугар юрист консультант буолан үлэлээбитэ. 1964 сыллаахха үөрэтээччи идэтигэр көһөр. Сунтаар улууһугар сүүрбэттэн тахса сыл үөрэтээччинэн үлэлиир. 1987-1989 сс. Саха радиокомитетыгар литературнай редактор буолар. 1991-1994 сс. Саха суруйааччыларын сойууһун салалтатын литературнай консультана буолар.

"Икки пьеса" диэн бастакы кинигэтин 1969 сыллаахха таһаарар. Өрөспүүбүлүкэтээҕи хаһыаттарга уонна "Хотугу сулус" сурунаалга бэчээттэнэр. Өрөспүүбүлүкэ тыйаатардарыгар уонтан тахса пьесата уонна драмата туруоруллубуттара.

Кинигэлэр

• Икки пьеса. - Дьокуускай, 1969.
• Паарта тула. Кыра формалаах пьесалар. - Дьокуускай, 1981.
• Сонордьуттар. Пьесалар. - Дьокуускай, 1983.
• Сэргэлээх алааска. Драма, пьесалар. - Дьокуускай, 1989.
• Кэпсээннэ аах... Кэпсээннэр. - Дьокуускай, 1993.

Сигэлэр

• Семенов Иннокентий Федотович Архыыптаммыт 2016, Кулун тутар 5 күнүгэр.