Старостин Семен Тимофеевич

Старостин Семен Тимофеевич — Аҕа дойду Улуу сэриитин кыттыылааҕа.

Амма оройуонун Абаҕа нэһилиэгэр Бойуот диэн хочоҕо 1911 сыллаахха төрөөбүт. Бииргэ төрөөбүт 4 уолтан кыралара. Убайа Сэмэн сэриигэ баран өлбүт, биир убайа Николай аҥаар илиитэ суох эргиллибит.

1941 сыллаахха балаҕан ыйыгар Аармыйаҕа ыҥырыллыбыт. Аҕа дойду сэриитигэр бастаан Харьков туһаайыытыгар (1942 сыл кулун тутарыгар) сэриилэспит, ыам ыйын 15 күнүгэр бааһыран Саратов куоракка госпитальга эмтэммит. Онтон атырдьах ыйыгар Сталинград хайысхатыгар сэриилэспит, балаҕан ыйын бүтүүтүгэр илиитигэр ыараханнык бааһырбыт. Молотовскай уобалас Усолье диэн госпиталыгар эмтэммит, дойдутугар 1943 с. эргиллибит.

Албан аат III истиэпэннээх уордьанынан, мэтээллэринэн наҕараадаламмыт.

1970 сыллаахха суолдьут оҕолорго суруйбут суругар кэргэннээхпин, 6 оҕолоохпун диэн суруйбут.

Сигэлэр

Г. И. Васильев. Сталинграды көмүскэспит буойуннар. — Дь.: Бичик, 2013. — 126 с. — ISBN 978-5-7696-3880-0