Сүүс (ахсаан)

100 (сүүс) — дьиҥ уонна төгүрүк ахсаан, 99 уонна 101 икки ардыларыгар турар ахсаан, ааҕыы уоннуулаах систематыгар үс бэлиэлээх ахсааннартан аччыгыйдара.

Математикаҕа

• 10 квадрата.
• 10¹⁰⁰ — гугол.
• Бастакы судургу тоҕус ахсаан суумалара: 100 = 2 + 3 + 5 + 7 + 11 + 13 + 17 + 19 + 23.
• Лейланд ахсаана — 2⁶ + 6² = 100.

Билимҥэ

• Фермий атомнай нүөмэрэ.
• 100 °C — Цельсий шкалатынан, сөптөөх усулуобуйаҕа уу оргуйар температурата.

Атын эйгэлэргэ

• 100 саас — үйэ уһуна.
• Сыл 100-с күнэ — муус устар 10 күнэ (ордук хонуктаах сылга — муус устар 9 күнэ).

• 
  100 солкуобай, 1992 сыл
• 
  100 солкуобай, 1993 сыл
• 
  100 солкуобай, 2014 сыл

Саха фольклоругар

Өс хоһоонноро

• Сүрэҕэ суох сүүс сүбэлээх.
• Сүтүктээх сүүс айыылаах, оҥорбут соҕотох айыылаах.

Таабырыннар

• Быыкайкаан сүөһү сүүс көмүс манньыаты сүгэ сылдьар үһү (собо).
• Сүүс сыл олорор баар үһү (тиит мас).
• Сүүнэ нүһэр тайах сүүс үрэх үрдүнэн сүүрэн лүһүгүрүүр үһү (этиҥ).