Улуу тойон таҥара
Кырыалаах кыһыннаах сахабыт сиригэр олоҕу олоруу, сайыннарыы ураты тулуурдаах буоллахха эрэ кыалларын сахаларга Улуу тойон таҥара баара биллэрэр. (1,10). Сахалары сайыннарбыт таҥара Улуу тойон таҥара буолар.
Улуу тойон таҥара дьоҥҥо сүрү, уоту уонна ойууннары биэрбит диэни саха дьоно бары билэллэр. (2,22).
Сүр диэн тулуурдаах, өһөс буолуу ааттанар.
Улуу тойон таҥара — эр дьон таҥаралара. (1,17).
Киһи олоҕун устата сыыһа-халты туттубат буоллаҕына эрэ олоҕун киһи быһыылаахтык олорор кыахтанар. Улуу тойон таҥара киһи сыыһа-халты туттубат кыаҕын улаатыннарар, тулуурдаах буолуутун сайыннаран олоҕу киһи быһыылаахтык олорорун хааччыйар.
Улуу тойон таҥараны бэлиэтээһин, сүгүрүйүү күһүн, балаҕан ыйын 22 күнүгэр ыытыллар. Күһүҥҥү ыһыах диэн ааттанар. Тулуурдаах буолан кырыалаах кыһыны туоруурга санааны бөҕөргөтүүгэ аанаан ыытыллар.
"Саха өһөс, онтон оҕото өссө өһөс" диэн тулуурдаах буолууга үөрэтэр Улуу тойон таҥара үөрэҕин өс хоһооно.
Туһаныллыбыт литература
уларыт1. Каженкин И.И. Улуу тойон таҥара үөрэҕэ. - Дьокуускай: Компания "Дани АлмаС", 2012. - 144 с.
2. Каженкин И.И. Үлэ-олох үөрэҕэ. - Дьокуускай: УПК ТРИ, 2010. - 100 с.