Хабаров Ерофей Павлович
Хабаров Ерофей Павлович — Дьокуускай хаһааҕа, нуучча айанньыта уонна урбаанньыта. Амуур өрүскэ баар сирдэри арыйбыт киһиннэн биллэр.
Баһылай Поярков дьыалатын салҕаабыт киһи. Амуурга остуруок туттарбыта, олохтоохторго суостаах-суодаллаах тойонунан биллэр этэ.
1632 сыллаахтан Өлүөнэ үөһээ тардыытыгар олохсуйан олорон түүлээҕинэн эргинэр этэ. 1939 сыллаахха Кута өрүскэ туустаах уу тахсар сирин булан туус эргиэнин олохтообута. Билигин ол сиргэ Иркутскай уобаласка киирэр Усть-Кут диэн бөһүөлэк турар.
1641 сыллаахха Киренга өрүскэ миэлиҥсэ туттарбыта. Сотору кэминэн Дьокуускай бойобуодата Головин Петр Хабаровы сойуолаһан буруйдаан баран баайын-дуолун былдьаан Дьокуускайга хаайыыга бырахпыта. Хаайыыттан 1645 сыллаахха эрэ тахсыбыта.
1648 сыллаахха Головины Дмитрий Андреевич Францбеков солбуйбута. Хабаров киниэхэ көрдөһүүлээх киирэр - даурдар сирдэригэр сэриинэн барарын көҥүллүүргэ. Францбеков сөбүлэһэр уонна экспедиция тэрийэр[1].
1649—1653 сс. Хабаров этэрээтин илдьэ Дьокуускайтан Амуурга Урка дылы сылдьар.
Быһаарыылар
уларыт- ↑ Казачья сотня. Краткие биографии ста деятелей казачества на поприще военной и гражданской службы, науки, литературы и искусства в XVI - ХХвв. Выпуск 1, Москва, Воениздат, 1996