Эфраим

Эфраим (ивр. אֶפְרַיִם‎‎) диэн Дьуоһуп уонна Асенат иккис уоллара. Эфраим бииһин төрүттээччитэ. Эфраим Египекка төрөөбүтэ. Эфраимы уонна кини бииргэ төрөөбүт биитин Манасияны эһээлэрэ Дьаакып ииппитэ. Дьаакып сиэннэрин уустара кини утумун салгыылларыгар алҕаабыта, ол эбэтэр Манасия уонна Эфраим уустара аҕалара Дьуоһуп ууһун оннугар быһа Дьаакып аатыттан утумнанар көҥүллэммиттэрэ. Ахсааннар битигэ Эфраим үс уоллааҕа диэн суруйар: Шутела, Бекер, Тахан. Уонна Шеера диэн биир кыыстааҕа. Кэмнээһиннэр битигэ Эфраим аҕыс уоллааҕа диэн суруйар: Шутела, Бекер, Тахан, Элеад, Тахат, Забад, Решеф, Эзер. Ойоҕун аата биллибэт. Эфраим уолаттара олохтоох дьону кытта сүөһү былдьаһаннар айдаан тахсан онно кинилэри барыларын өлөртөөн кэбиһэллэр. Бу кэннэ Эфраим сотору Берия диэн уолланар. Берияттан Ханааны баһылааччы Дьүөһүйэ утумнанар.