Өктөөбүр нэһилиэгэ (Ньурба улууһа)

Өктөөбүр нэһилиэгэ (нууч. Октябрьский наслег) — Ньурба улууһун нэһилиэгэ, киинэ Антоновка. Урут Тыалыкы нэһилиэгэ, оттон киинэ Александровка диэн ааттаах этэ.

Улуус кииниттэн 2 км илин диэкки турар. Ньурба куораты кытта холбоһон турар.

Нэһилиэнньэтин ахсаана 2770 киһи (2010 сыл), ол иһигэр Антоновка — 2642, Нефтебаза — 128 киһи.

Нэһилиэк биллиилээх дьоно

• Чусовской Николай Николаевич (1910—1977) — Сэбиэскэй Сойуус Геройа.
• Габышев Александр Гаврилович (1899—1942) — Саха АССР Үрдүкү Сүбэтин Президиумун бэрэссэдээтэлэ (1934—1938).
• Канаев Никита Петрович (1907—1987) — тыл үөрэҕин билимнэрин кандидата.
• Чусовской Александр Николаевич (төр. 1915) — Аҕа дойду Улуу сэриитин кыттыылааҕа, Саха АССР үөрэҕириитин миниистирин солбуйааччыта (1954—1962), Саха АССР оскуолатын үтүөлээх учуутала.
• Донской Геннадий Семенович (1917—1996) — Саха АССР оскуолатын үтүөлээх учуутала.
• Антонов Николай Климович (1919—2002) — тыл үөрэҕин билимнэрин доктора, биллиилээх тюрколог, профессор.
• Самсонов Николай Георгиевич (1925—2012) — тыл үөрэҕин билимнэрин кандидата, СГУ профессора, Аҕа дойду Улуу сэриитин кыттыылааҕа.
• Балакшин Георгий Русланович (төр. 1980) — боксаҕа Европа уонна Россия хас да төгүллээх чемпиона, 2008 сыллаахха Пекин куоракка буолбут Олимп оонньууларыгар боруонса мэтээл ылбыта.

Бэлиэ сирдэр

• Сэбиэскэй былааһы иһин охсуспуттарга пааматынньык. 1966 сылаахха тутуллубута. Железобетон. Автор Уткин К. Д.
• Антоновка орто оскуолатын саҥа дьиэтэ 2002 сыллаахха улэҕэ киирбитэ, манна оскуола ситим-сирэ баар http://antonovkaschool.3dn.ru/

Сигэлэр

• Энциклопедия Якутии. — М., 2000.
• Официальный информационный портал Республики Саха (Якутия): Нюрбинский улус
• Саха Сирин нэһилиэктэрэ: Ньурба нэһилиэктэрэ
• gosspravka.ru: Нюрбинский улус