Сүрүн мөнүүнү арый

Борисов Георгий Иванович (04.03.1918) - саха прозаига, тылбаасчыт. Саха Өрөспүүбүлүкэтин култуура үтүөлээх үлэһитэ. 1995 сылтан Арассыыйа СС (Суруйааччылар Союзтарын) чилиэнэ.

1918 сыл кулун тутар 4 күнүгэр Хаҥалас улууһун Иккис Малдьаҕар нэһилиэгэр төрөөбүтэ. 1938 сыллаахха Саха учительскай институт ньуучча тылын уонна литературатын салаатын бүтэрбитэ. Үөрэтээччинэн уонна кинигэ кыһатыгар тылбаасчытынан үлэлээбитэ.

1940 сыл атырдьах ыйыгар А.Н. Островскай аатынан Ленинградтааҕы театральнай институт режиссерскай салаатыгар бастакы курска үөрэххэ киирэр. Ол гынан баран 1941 сыл ыам ыйыгар албын дьыалҕа түбэһэн хаайыыга киирэр. 15 сыл устата лааҕырдарга уонна сыылкаҕа сылдьар. 1956 с. реабилитацияламмытын кэннэ Саха музыка-дыраама тыйаатырыгар уонна Норуот айымньытын дьиэтигэр үлэлиир. 1962 сылтан сурналыыстыыр.

Хоһоонньут быһыытынан саҕалаабыта. Бастакы хоһооннорун 1939 сыллаахха бэчээттээбитэ. Г. Борисов олоҕун сүрүн айымньыта - биографическай трилогия: "Хараҥаттан сырдыкка", "Хатыылаах боробулуохаҕа хаайтаран" уонна "Сыылка сындааhыннаах сыллара".

Г. Борисов саха тылыгар араас драматургтар сүүрбэттэн тахса айымньыларын уонна ньуучча суруйааччыларын уонча айымньыларын тылбаастаабыта.

2000 сыл ахсынньы 31 күнүгэр сырдык тыына быстыбыта.

КинигэлэрэУларыт

  • Хараҥаттан сырдыкка. - Роман. 1-кы кинигэ. - Дьокуускай, 1992.
  • Хатыылаах боробулуохаҕа хаайтаран. - Роман. 2-с кинигэ. - Дьокуускай, 1993.
  • Сыылка сындааhыннаах сыллара. - Роман. 3-с кинигэ. - Дьокуускай, 1994.

СигэлэрУларыт