Бүтүн Саха сиринээҕи тылы үөрэтии бастакы кэмпириэнсийэтэ

Бүтүн Саха сиринээҕи тылы үөрэтии бастакы кэмпириэнсийэтэ (нууч. Первая Всеякутская языковедческая конференция) — саха суруйааччылара, саха тылын, уос номоҕун чинчийээччилэр, суруналыыстар, мэтэдиистэр, учууталлар уонна уопсастыба тумус дьоно кыттыылаах, 1935 сыл атырдьах ыйын 15 күнүгэр Дьокуускайга буолбут мунньах.

Мунньахха Саха Киин ситэриилээх кэмитиэтин бэрэссэдээтэлэ А. Г. Габышев, баартыйа Саха сиринээҕи обкуомун иккис сэкиритээрэ Н.Н. Окоемов, Саха сирин Суруйааччыларын сойууһун бэрэссэдээтэлэ П.А. Ойуунускай, учуонай Г. В. Ксенофонтов, мэтэдиис учуутал Н.Е. Афанасьев сылдьыбыттар.