Евсеев Василий Никитич (1927 с., Тойбохой с., Сунтаар оройуона, Саха АССР2010 с.), РСФСР уонна Саха АССР үтүөлээх учуутала, норуот үөрэҕириитин туйгуна, Ем.Ярославскай аатынан бириэмийэ лауреата, Сунтаар оройуонун Бочуоттаах олохтооҕо.

Олоҕун олуктара уларыт

1927 сыллаахха Сунтаар оройуонун Тойбохой нэһилиэгэр төрөөбүтэ.

Тойбохой оскуолатын бүтэрбитэ. Холкуоска үлэлээбитэ.

1954 сыллаахха Дьокуускайга педагогическай институту историк идэлээх бүтэрбитэ. Педагогическай үлэ биллиилээх маастара, энтузиаст-педагог, психолог, новатор. Оҕо эрдэҕиттэн уруһуйдьут, музыкант, ырыаһыт, үҥкүүһүт, үлэтин аан бастаан пионер баһаатайыттан саҕалаабыта. Ити иннигэр Бүлүү педтехникумун туйгуннук үөрэнэн бүтэрбитэ. Оҕо дьиэтигэр иитээччинэн, онтон директорынан үлэлээбитэ. Оҕо дьиэтэ оскуола-интернакка уларытыллан тэриллибитин кэннэ, үөрэх чааһын сэбиэдиссэйинэн, онтон уһун бириэмэҕэ дириэктэринэн үлэлээбитэ. Тойбохой оскуола-интерната үөрэтии-иитии үлэ бары көрүҥҥнэригэр Өрөспүүбүлүкэ көрүүлэригэр хас да сыл бастаабыта.

Оҕо коллективын табан салайар, улахан опыттаах салайааччыны Бордоҥ орто оскуолатыгар дириэктэринэр ыыталлар. Кылгас кэмҥэ оскуоланы материальнай уонна үөрэтии-иитии өттүнэн оройуон биир үчүгэй үлэлээх оскуолаларын ахсааныгар таһаарбыта. Ити кэнниттэн , коллектив туруорсуутунан, Евсеев В.Н. Тойбохойго оскуола-интэринээтигэр эмиэ төннөрөллөр. Ити бириэмэҕэ оскуола-интэринээт төттөрү оҕо дьиэтигэр төннөрүллэр. Иитээччилэр олороллоругар анаан типовой дьиэлэр, остолобуой, спортивнай саал тутуллаллара.

В.Н. Евсеев оройуон общественноһа билинэринэн, бастыҥтан бастыҥ, опыттаах педагогтарыттан биирдэстэрэ, үөрэтии-иитии боппуруостарын муҥутуурдук баһылаабыт педагогическай үлэ чахчылаах маастара этэ[1][2]

Наҕараадалара уонна ытык ааттара уларыт

  • РСФСР оскуолатын үтүөлээх учуутала.
  • ССРС үөрэҕириитин туйгуна.
  • Норуот үөрэҕириитин туйгуна [3]

Кини туһунан уларыт

1. Иванов В., Учуутал убайбар махталым. [Евсеев Василий Никитич музыка учууталын туһунан ахтыы] - : , //Сэһэн тоҕой. . - 2008. - От ыйын 24 күнэ-С. 3;

2. Назарова Л., Иһирэх майгылаах, муударай салайааччы. [РСФСР оскуолаларын үтүөлээх учуутала, ССРС уонна РСФСР норуотун үөрэҕириитин туйгуна, А. В. Луначарскай аатынан бириэмийэ лауреата, Сунтаар оройуонун Бочуоттаах гражданина Василий Никитич Евсеев төрөөбүтэ 90 сылыгар] - : , //Сунтаар сонуннара. . - 2017. - Бэс ыйын 16 күнэ-С. 5;

Быһаарыылар уларыт

  1. Педагогическая энциклопедия / М-во образования Респ. Саха (Якутия) ; [науч. ред.: Михайлова М. Г. д.п.н., проф ЯГУ, Петрова С. М. д.п.н., проф. ЯГУ ; сост. Иванова В. С.]. - Якутск, Т. 1. - 2000. с.88
  2. Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020.
  3. Сунтаар улууһугар үөрэҕирии сайдыыта / [хомуйан оҥорон бэчээккэ бэлэмнээтилэр: И.Т.Назаров, Н.И.Алексеев ; эппиэттиир ред. М.И.Аввакумова]. – Дьокуускай : Бичик, 2009. – 272 с.

Сигэлэр уларыт