Иванова Тамара Доржиевна

Иванова Тамара Доржиевна (1954 с., Арбузово с., Селенгинскай аймаг, Бурятскай АССР), Российскай Федерация үтүөлээх учуутала, Российскай Федерация норуотун үөрэҕириитин туйгуна.

Олоҕун олуктара

1954 с. Бурятскай АССР Селенгинскай аймагын Арбузово сэлиэнньэтигэр төрөөбүтэ.

1976 с. Бурятскай государственнай университеты туйгуннук үөрэнэн бүтэрэн, Саха Сиригэр ананан, Кутана орто оскуолатыгар математика учууталынан, онтон салгыы Сунтаар 2 №-дээх орто оскуолатын дириэктэри үөрэтэр үлэҕэ солбуйааччынан үлэлээбитэ. Ол кэннэ Сунтаар политехническай лицейин дириэктэри научнай-чинчийэр үлэҕэ солбуйааччынан ананар. Үөрэнээччилэр актыыбынастарын, «толкуйдуур ньымаларын сайыннарыы» диэн теманан салайтаран, үөрэтэр үлэтин ыытар. «Инникигэ хардыы» НПК тематынан оҕолорго үөрэтэр-чинчийэр үлэлэрин дириҥэтэн, сайыннарар. Оҕолор программаллаах матырыйаалга хаайтарбакка, математическай цикллаах предметтэргэ интэриэстэрин күөдьүтэн, үөрэх бу салаатыгар үрдүк үөрэхтэргэ киириигэ бэлэмнээһин сиэринэн үөрэтии процеһын ыытар. Д. Зимин аатынан Бүтүн Россиятааҕы научнай-практическай конференцияҕа кыттан дакылаат аахпыта, үрдүктүк сыаналаммыта. Тамара Доржиевна элбэх ахсааннаах ыстатыйалара, научнай көрүүлэрэ Россия таһымнаах научнай, учебнай сурунаалларга бэчээттэммиттэрэ.

Иванова Т.Д. СПТЛ-и үлэлии сылдьан, меценат-учуутала буолан, бэйэтин анал стипендиятын туйгуннук үөрэнэр оҕолорго (математика салаатыгар) аныыра. Саха Өрөспүүбүлүкэтин Президенэ М.Е. Николаев Гранын хаһаайката.^[1]

Наҕараадалара уонна ытык ааттара

Российскай Федерация үтүөлээх учуутала.
Российскай Федерация норуотун үөрэҕириитин туйгуна.
“Саха Өрөспүүбүлүкэтин учууталларын учуутала” бэлиэ.
"Саха Өрөспүүбүлүкэтин методиһа” бэлиэ.
«Россия бастыҥ учууталлара-2006» күрэх кыайыылааҕа.
Саха Өрөспүүбүлүкэтин Президенин Гранын хаһаайына (2011с).
Саха Өрөспүүбүлүкэтин маҥнайгы Президенин М.Е.Николаев «Знанием победишь» пуондатын лауреата.
Дмитрий Зимин «Династия» пуондатын «Кэлэр кэм учуонайдарын наставнига» номинация кыайыылааҕа ^[1]

Суруйуулара, кинигэлэрэ

Методы решения иррациональных неравенств : практикум по решению задач / М-во образования РС(Я), АОУ РС(Я) ДПО "Ин-т развития образования и повышения квалификации", Каф. физ.-мат. образования ; [сост. Т. Д. Иванова]. - Якутск : Изд-во ИРОиПК, 2012. - 93, [3] с.

Кини туһунан

Учитель - виртуоз : [Заслуженный учитель РФ Т. Д. Иванова] / Коллектив Сунтарского политехнического лицея-интерната // Сунтаар сонуннара. - 2010. - Алтынньы 7 күнэ. - С. 3.
Николаева М., Учууталбыт кыһамньытынан математиканы сөбүлүүбүт. [РФ үөрэҕириитин туйгуна, СӨ учууталларын учуутала, Сунтаардааҕы политехническай лицей математикаҕа учуутала Тамара Доржиевна Иванова туһунан] - : , //Сунтаар сонуннара. . - 2006. - Балаҕан ыйын 26 күнэ-С. 2;

Быһаарыылар

↑ ^1,0 ^1,1 Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020.

Сигэлэр

[:0-1] 1,0 ^1,1 Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020.

[1]