Мунхалов Афанасий Петрович

Афанасий Петрович Мунхалов
	Афанасий Петрович Мунхалов
Төрөөбүт күнэ:	10 тохсунньу 1935
Төрөөбүт сирэ:	Күндэли алаас, Болтоҥо нэһилиэгэ, Чурапчы улууһа, Саха АССР
Өлбүт күнэ:	9 балаҕан ыйын 2014 (79 сааһыгар)
Дойдута:	ССРС →; Арассыыйа
Үөрэҕэ:	Суриков аатынан Москватааҕы государственнай уус-уран институт
Ытык ааттара:

Афанасий Петрович Мунхалов (10.01.1935, Болтоҥо нэһилиэгэ, Чурапчы улууһа, Саха АССР — 09.09.2014) — РСФСР норуодунай худуоһунньуга, искусстволар уонна культура Арктикатааҕы институттарын профессора, художестволар Арассыыйатааҕы Академияларын чилиэн-корреспондена.

Олоҕун олуктара

1935 с. тохсунньу 10 күнүгэр Чурапчы улууһун Болтоҥо нэһилиэгэр Күндэли алааска төрөөбүт.

Сэрии сылларыгар Мунхаалаптары биир дойдулаахтарын кытта күүс өттүнэн хоту көһөрбүттэр. Онно дьоно бары өлөннөр, уолу оҕо дьиэтигэр биэрбиттэр.

Дьокуускайдааҕы уус-уран училищены 1957 сыллаахха, онтон 1963 с. Суриков аатынан Москубатааҕы судаарыстыбаннай уус-уран институт графикаҕа салаатын бүтэрбит (Е. А. Кибрик мастырыскыайа).

Афанасий Мунхалов 1960-с сылларга саха графикатын аан дойдуга таһаарбыт худуоһунньуктартан биирдэстэрэ буолар.

1964 сылтан — ССРС худуоһунньуктарын Сойууһун чилиэнэ.

А. П. Мунхалов ССРС Үрдүкү Сүбэтин VIII ыҥырыытын (1970), Саха АССР Үрдүкү Сүбэтин IX ыҥырыытын (1975) депутаттарынан талылла сылдьыбыт.

Сүрүн үлэлэрэ

Линогравюралар

«Күн барыларыгар тыгар» (1963)
«Мин хоту дойдум» (1965)
«Гражданская война в Якутии» (1967—1968)
«Мин Сахам Сирэ» (1969)
«Думы о времени» (1974—1978)
«Ленин туһунан тойук» (1981)
«Аргументы без фактов»
«Түүҥҥү харабыл» (1994)
«Прерванный полет» (1999)

Литографиялар

«Победа и мир» (1979)
«Күндэли» (1980)
«Күлүктэр» (1994)

Наҕараадалара уонна ытык ааттара

РСФСР норуодунай худуоһунньуга
Российскай Федерация үтүөлээх худуоһунньуга
П. А. Ойуунускай аатынан Саха Өрөспүүбүлүкэтин Государственнай бириэмийэтин лауреата
Художестволар Арассыыйатааҕы Академияларын чилиэн-корреспондена (2012)^[1]
Саха Өрөспүүбүлүкэтин духуобунаһын Академиятын дьиҥнээх академига
Саха Өрөспүүбүлүкэтин ытык киһитэ (2010)^[2]
Чурапчы улууһун ытык киһитэ (2000)^[3]

Быһаарыылар

Сигэлэр

[1] Афанасий Мунхалов удостоен почетного звания члена-корреспондента Российской академии художеств

[2] Официальный информационный портал Республики Саха (Якутия): Почетные граждане Республики Саха (Якутия)

[3] Почетные граждане Чурапчинского улуса

[1]

[2]

[3]