Николаев Владимир Тимофеевич

Николаев Владимир Тимофеевич (13.03.1945—31.03.2008) — «Саха Омук» уопсастыба 1990—1993 сс. салайааччыта, Ил Түмэн маҥнайгы ыҥырыытын дьокутаата, аатырбыт хапсаҕайдьыт.

Олоҕун олуктара уларыт

1945 сыллаахха кулун тутар 13 күнүгэр Ньурба оройуонун Хорула нэһилиэгэр төрөөбүт. Идэтинэн — инженер-тутааччы, Саха государственнай университетын бүтэрбит.

2008 сыллаахха, кулун тутар 31 күнүгэр ыалдьан өлбүт.

I ыҥырыылаах Ил Түмэн дьокутаата. «Саха омук» уопсастыбаннай-политическэй холбоһук вице-президенэ. 1990-с сылларга саха норуотун сайдар тускулугар үлэлэһиигэ, өрөспүүбүлүкэ судаарыстыбаннай суверенитетын олохтооһуҥҥа уонна ылыныыга, Саха Сирин экологиятын тирээн турар боппуруостарын быһаарсыыга бэйэтин кылаатын киллэрбитэ[1].

«Хапсаҕай былыргыта уонна бүгүҥҥүтэ» кинигэ ааптара. Бу 2010 сыллаахха «Өбүгэлэрбит үгэстэрин салҕаан» сиэрийэ иһинэн тахсыбыт кинигэ хапсаҕай бөлөһүөпүйэтин, ис хоһоонун, техникатын уонна тактикатын чинчийэн, үөрэтэн көрүүгэ бастакы холонуу быһыытынан сыаналаныан сөп. Ааптар саха биллиилээх тустууга Абый Бааскалыын тустуу ньымаларын, албастарын көрдөрбүт хаартыскалара кинигэни толорон, ситэрэн биэрэллэр.

Спортка ситиһиилэрэ уларыт

  • Дуобакка оҕолорго өрөспүүбүлүкэ чөмпүйүөнэ (1960)
  • Хапсаҕайдаһан тустууга Саха Сирин спордун маастара
  • Дуобакка спорт маастарыгар кандидат
  • Боксаҕа уонна саахымакка 1-кы разрядтаах
  • Хапсаҕайга 72 киилэҕэ өрөспүүбүлүкэ тыатын сирин спортсменнарын күрэхтэһиитин кыайыылааҕа (1967)
  • Бүлүү зонатын абсолютнай чөмпүйүөнэ (1967)
  • Баһылай Манчаары бирииһигэр VI Спартакиада чөмпүйүөнэ (1977)
  • Боксаҕа 75 киилэҕэ Саха Сирин «Урожай» уопсастыбатын чөмпүйүөнэ

Быһаарыылар уларыт

  1. Николаев В. Т. Хапсаҕай былыргыта уонна бүгүҥҥүтэ. — Дь., 2010.