Пухов Иннокентий Васильевич

Пухов Иннокентий Васильевич (12.03.1904, Курбуһах нэһилиэгэ, Бороҕон улууһа, Саха уобалаһа — 24.11.1979, Москва, ССРС) — тыл үөрэҕин билимнэрин кандидата, Аҕа дойду Улуу сэриитин кыттыылааҕа.

Пухов Иннокентий Васильевич

Олоҕун олуктара

• 1904 сыл кулун тутар 12 күнүгэр Бороҕон улууһун (билиҥҥи Уус-Алдан улууһа) Бастакы Курбуһах нэһилиэгэр төрөөбүт.
• 1923 сыллахха Байкалов К. К., Якутскай уобалас уонна хотугу кыраай хамандьыырын ситимнээччинэн сылдьыбыт, Саһыл Сыһыыны босхолооһуҥҥа кыттыбыт.
• 1926 сыллаахха Дьокуускайдааҕы Педтехникуму бүтэрбит уонна Иркутскайдааҕы универститека киирбит.
• 1930—1936 сс. — Педтехникум преподавателэ, ону таһынан оскуолаларга үөрэх программаларын уонна учебниктарын бэлэмнээбитэ.ол республики. Саха тылын маҥнайгы букубаарын бэлэмнээбитэ. Бу букубаар уончата бэчээттэнэн тахсыбыта.
• 1936—1941 сс. — Саха издательствотын Москватааҕы отделениетын редактора.
• 1941—1943 сс. — Кыһыл Аармыйаҕа Москва уобалаһын Пушкинскай оройуонун военкоматынан 1941 сыл сэтинньитигэр ыҥырыллыбыт. 1942 сыл муус устар — балаҕын ыйдарыгар Арҕаа фроҥҥа сэриилэспит. Младшай лейтенант. Пулемет взводун хамандыырынан Москваны көмүскэспит. 1942 сыл балаҕан ыйыгар ыараханнык бааһырбыт. Кыһыл Сулус уордьанынан (30.05.1951), «Аҕа дойду Улуу сэриитигэр Германияны кыайыы иһин 1941-1945 сс.» мэтээлинэн наҕараадаламмыт.
• 1943—1944 сс. — Учууталлар таһымнарын үрдэтэр институтун научнай үлэһитэ.
• 1944—1947 сс. — Москва университетыгар фольклористика идэҕэ аспирантураҕа үөрэммит.
• 1947—1954 сс. — Тыл, литература уонна история институтугар научнай үлэһит.
• 1954 сылтан Москваҕа А. М. Горькай аатынан Аан Дойду литературатын институтугар научнай үлэһит.
• 1956 сыллаахха кандидат диссертациятын көмүскээбит. Темата «Идеи и образы олонхо Д. М. Говорова „Модун Мүлдьү“».
• 1979 сыл сэтинньи 24 күнүгэр Москва өлбүтэ. Уҥуоҕа Дьокуускайга Маҕан кылабыыһатыгар баар.

Айымньылара

• Грамматика русского языка для якутской школы. Учебник для 5 класса. — Якутск, 1938.
• Грамматика якутского языка Учебник для 4 класса. — Якутск, 1939.
• Букварь. Якутск, 1938—1963.
• Якутский героический эпос олонхо. — М., 1962.
• От фольклора к литературе. — Якутск, 1980.

Сигэлэр

• Тищенко В. В., Тобуроков Н. Н. От истоков к современности. — Пухов И. В. От фольклора к литературе. — Якутск, 1980.
• Биобиблиографический справочник
• Энциклопедия Якутии. — Якутск, 2000.