Халыып:Бу күн:09-17
Түбэлтэлэр
уларыт- 1788 — "Карансебеш кыргыһыыта" буолбут. Австрия саллааттара түүн хараҥаҕа бэйэ-бэйэлэрин туроктар дии санаан охсуспуттар уонна "кыайтаран" чугуйбуттар. Кыргыһыы хонуутугар туроктар икки күнүнэн биирдэ кэлэн туох буолбутун өйдөөбөтөхтөр.
- 1809 — Швеция-Арассыыйа сэриитэ түмүктэммит. Фредриксхамн дуогабарынан Арассыыйа Финляндияны бэйэтигэр ылбыт. Мантан ыла Финляндия сүүстэн тахса сыл Арассыыйа састаабыгар автономнай княжество буолан олорбута.
- 1919 — Омскайтан Государственнай экономика мунньаҕар сылдьыбыт Саха сиринээҕи земство бэрэстэбиитэлэ В. В. Никифоров төннөн кэлбит. Бу сырыытыгар земство тэриллиитигэр харчы биэрии туһунан, түүлээҕи тутууну тэрийии туһунан, присяжнайдар сууттарын киллэрии туһунан уонна Амуурдааҕы Рухлово станцияҕа (билигин Сковородино) почта траагын киллэрии туһунан боппуруостары көтөхпүт.
- 1922 — Берлиҥҥа аан бастакы саҥалаах киинэ көрдөрүллүбүт.
- 1927 — Илин Хаҥалас улууһугар Кудома диэн сиргэ конфедералистар баартыйаларын устаабын уонна бырагырааматын ылыммыттар.
- 1935 — Тыл, култуура наука-чинчийэр институуту тэрийэгэ диэн Саха АССР Совнаркомын уурааҕа тахсыбыт. Бу институт Былатыан Ойуунускай көҕүлээһининэн тэриллибитэ, билигин — Гуманитарнай чинчийии уонна аҕыйах ахсааннаах хотугу омуктар кыһалҕаларын институута.
- 1940 — Аан дойду иккис сэриитин кэмигэр Германия Улуу Британия авиациятын кыайбакка саба түһэр былааныттан батыммыт.
- 2018 — Сардаана Авксентьева Дьокуускай куоратын мэрин солотугар олорбут.
Төрөөбүттэр
уларыт- 1911 — Сергей Мигалкин — РСФСР, Саха АССР үтүөлээх бырааһа.
- 1938 — Михаил Тырылгин — медицина доктора, профессор, СӨ билим үтүөлээх диэйэтэлэ. Чинчийбит тиэмэлэринэн буолаллар сэллиги утары охсуһуу, социальнай гигиена уонна доруобуйа харыстабылын тэрээһинэ.
- 1939 — Николай Герасимов - Айталын — бэйиэт, суруйааччы. «Эдэр коммунист», «Кыым», «Чуораанчык» («Колокольчик») хаһыаттарга редакторынан үлэлээбитэ.
- 1985 — Александр Овечкин — хоккеист, аан дойду үс төгүллээх чемпиона, Стэнли кубогын хаһаайына (2018).