2016 сыл

2016 сыл.

Туох буолбута

Кулун тутар 18 — СӨ Төрүт сокуоҥҥа хамыыһыйатын мунньаҕар Ил Дархан Егор Борисов киллэрбит көннөрүүлэрин көрбүттэр уонна өрөспүүбүлүкэ аата саха тылын таба суруйуутун быраабылатыгар сөп түбэһэн "Саха Өрөспүүбүлүкэтэ" диэн суруллуоҕа диэн быһаарбыттар.
Кулун тутар 31 — улахан экраҥҥа "Ыаллыылар" диэн кэмиэдьийэ жанрдаах толору метражтаах саха киинэтэ тахсыбыт.

Муус устар 1 — Хайалаах Карабаахха сэрии хат күөдьүйбүт.
Муус устар 3 — Панаама оффшор зонатыгар бэлиэтэммит 214 488 хампаанньа докумуоннара аан ситимҥэ аһаҕастык бэчээттэммиттэр, аан дойдуга бөдөҥ айдаан тахсыбыт.
Муус устар 22 — Аан дойду сылыйыыытын утары көмөлөсүһүү туһунан Парижтааҕы сөбүлэҥ түһэрсиллибит.
Муус устар 28 — "Илиҥҥи" космодромтан бастакы ракета көппүт. Мантан көтөр ракеталар арахсар чаастара Амуур уобалаһын Тыында уонна Зея оройуоннарыгар, Саха Өрөспүүбүлүкэтин Алдан уонна Бүлүү улуустарыгар түһэллэр.

Бэс ыйын 1 — Уһук Илиҥҥи гектар туһунан сокуон олоххо киирбит.
Бэс ыйын 5 — Актобе куоракка (Казахстан) сэрии сэбин атыылыыр маҕаһыыннары халааһын уонна байыаннай чааска саба түһүү кэмигэр алта киһи өлбүт. Аҕыйах хонугунан саба түһээччилэри сорохторун туппуттар, сорохторун суох гыммыттар (уопсайа 25 киһи өлбүтэ).

5-21 атырдьах ыйа Бразилия Рио куоратыгар 2016 Сайыҥҥы Олимпия оонньуулара
Атырдьах ыйын 17-21 күннэригэр IV Дьокуускайдааҕы аан дойдутааҕы киинэ бэстибээлэ буолбут. 12 дойдуттан 60 киинэ кыттыбыт. Үс Саха сиригэр уһуллубут киинэ кыайыылаах буолбут: "Мой убийца" (Костас Марсан), "Феррум" (Прокопий Бурцев), "24 снега" (Михаил Барынин).

Ахсынньы 9 — Соҕуруу Кэриэйэ бэрэсидьиэнигэр Пак Кын Хега дойду түмэнэ импичмент биллэрбит. Төрүөтэ — удаҕан дьүөгэтигэр судаарыстыба кистэлэҥнэрин арыйара, суолталаах быһаарыы ыларыгар кинини кытта сүбэлэһэрэ, ону таһынан кини сүбэтинэн бэрик ыла сатаабыта биллибит. Былаастан туоратыллан баран бу дьахтар сууттаммыта, 25 сыл хаайыыга ууруллубута.
Ахсынньы 19 — Туурсуйаҕа Арассыыйа посуолун Андрей Карловы өлөрбүттэр.
Ахсынньы 22 — Эбола вируһун утары бастакы вакцина 70-100% көдьүүстээҕэ бигэргэммит.
Ахсынньы 25 — Александров ансамблын тиэйэн иһэр оборуона министиэристибэтин Ту-154 сөмүлүөтэ Хара Байҕалга түспүт, онно баар 92 киһи бары өлбүттэр.

Олунньу 14 — Харлампий Луковцев, суруйааччы, суруналыыс, СӨ үтүөлээх учуутала.
Кулун тутар 19 — Сэмэн Руфов — бэйиэт, тылбаасчыт, саха норуодунай суруйааччыта, ССРС суруйааччыларын Сойууһун чилиэнэ.
Кулун тутар 26 — Михаил Скрябин (7.04.1955 төр.), Олимпийскэй резервэ училищетын старшай тренерэ, СӨ үтүөлээх тренерэ.